Home Music Kenny Sol – Haso

Kenny Sol – Haso [Lyrics]

750

Haso by Kenny Sol [Official Video Download].

Download

Kenny Sol – Haso [Mp3 Audio Download]

Umuhanzi w’impano itangaje, Kenny Sol yasohoye amashusho y’indirimbo ye nshya yise “Haso”, ivuga ku byuya ibira ahibibikanira iterambere rye mu muziki n’iryo mu buzima busanzwe.

Niyo ndirimbo ya mbere Kenny Sol ashyize hanze nyuma yo kuva mu maboko y’urubuga ‘Igitangaza Music’ rwashinzwe na Bruce Melodie rugamije guteza imbere impano zitandukanye. Kenny Sol yabwiye INYARWANDA, ko yasohoye iyi ndirimbo kugira ngo agaragaze ko urugendo rukomeje nyuma yo kuva mu maboko ya Bruce Melodie.

KANDA HANO WUMVE INDIRIMBO ‘HASO’ YA KENNY SOL

Avuga ko abafana be n’abakunzi b’umuziki bakwiye kumwitegaho ibikorwa bifatika mu muziki we. Ati “Ndikugerageza gukora ibintu byinshi cyane, uyu ni umushinga nari mbanje kuba nshyize hanze kugira ngo ngaragaze ko urugendo rugikomeje. Ariko ibikorwa byinshi biraje, nta gihe kinini kiri bucemo”

Uyu muhanzi yavuze ko mu ndirimbo “Haso” yaririmbye yumvikanisha imvune acamo mu muziki n’ubuzima busanzwe ashaka iterambere rye. Ariko kandi ngo n’indirimbo irimo ubutumwa bwakwifashishwa na buri wese uca mu nzira zigoye ashaka gutera imbere.

Kenny Sol yavuze ko mu mashusho y’indirimbo ye yagerageje gushyira mo ibikorwa “bisobanura ibintu nari ndimo ndirimba”.

Tariki 26 Kamena 2021, Bruce Melodie yatangaje ko yamaze gutandukana na Kenny Sol na Juno Kizigenza yari amaze umwaka n’ukwezi kumwe afasha mu muziki.

Yavuze ko ntakidasanzwe yakoreye Juno Kizigenza na Kenny Sol, ahubwo azirikana ko ari abahanzi b’abahanga bafite impano zitangaje. Ashishikariza abanyamafaranga gushora imari muri aba basore kuko bafite amazina yabyara umusaruro.

Yavuze ko ashima Imana ‘kuko mu ngufu yampaye hari icyo mbamariye’. Bruce Melodie yavuze ko igihe kigeze kugira ngo abahanzi batangire urugendo rw’umuziki bifasha, kandi ko aho bagiye bananiwe yiteguye kongera kubakirana yombi.

Avuga ko “nta kibazo na kimwe nigeze ngirana n’umwe muri bo.” Ko ibyabanje ari byo bigoye, yizeye ko hari ubumenyi bamaze kugira buzabafasha kwitwara neza mu kibuga cy’umuziki.

Bruce avuga ko iyo aba ari mu kigero nk’icy’aba bahanzi akabona umushoramari umufasha “uyu munsi tuba tugikorana”. Ahamya ko Juno Kizigenza yarenze icyiciro cy’abahanzi bakizamuka.

Kenny Sol amaze imyaka ibiri mu muziki kuva asoje amasomo ku ishuri rya muzika rya Nyundo.

Urugendo rw’umuziki we rwatangiriye ku ndirimbo ‘Njye nawe’ imaze kurebwa n’abantu barenga ibihumbi 39, ‘Babiri’, ‘Agacouple’, ‘My Love’, ‘You&I”, ‘Agafire’ ‘Umurego’ ndetse na ‘Haso’ yasohoye uyu munsi.

Kenny Sol yasohoye amashusho y’indirimbo yise ‘Haso” ivuga ukuntu ahabibikanira iterambere rye, rimwe na rimwe agahura n’ibicantege

Kenny Sol yatangaje ko urugendo rukomeje nyuma yo kuva mu maboko ya Bruce Melodie

KANDA HANO UREBE AMASHUSHO Y’INDIRIMBO ‘HASO’ YA KENNY SOL

<